Puthja e burrave në faqe apo sherret për të paguar tavolinën, janë gjëra të përditshmërisë sonë, por të huajt që vijnë për turizëm a punë në Shqipëri këto gjeste i lënë me gojëhapur.
Edhe pse ata përshtaten dhe ambientohen shpejt me vendin, përsëri janë disa gjëra që ata nuk arrijnë dot t’i konceptojnë…
Por vijnë dhe ikin të çuditur me këto zakone të shqiptarëve që nuk ndryshojnë.
- Trafiku.
Këmbësorë që kalojnë rrugën sipas nevojës, pa ua vënë veshin semaforëve. Shoferë të shpejtë që i japin edhe më shumë gaz makinës te vijat e bardha. Garat “Kush është më i shpejti” mes këmbësorëve dhe makinave kur semafori u jep të dyja palëve të drejtën për të kaluar në të njëjtën kohë
- Toni i zërit.
Kudo bërtitet. Burra dhe gra që bërtasin të gjithë në të njëjtën kohë. Prindër që kritikojnë, apo përkëdhelin fëmijët duke bërtitur
- Kafenetë
Kafenetë e mbushura plot nëpër qytete të vogla vetëm me burra dhe djem të rinj
- Dhënia e mendëve
Këmbëngulja për t’i dhënë mend kujtdo. Grupet e soditësve të grumbulluar rreth një apo dy punëtorëve që hapin rrugës një kanal, duke u treguar se sa thellë e sa gjerë duhet hapur kanali
- Mëngjesi
Mëngjesi popullor me byrekë dhe dhallë
- Gatimet
Gatimet me të brendshme (Pse, hahen këto?!)
- Takimet
Takimet e punës në kafene
- Qerasja
Sherret për të paguar tavolinën
- Vajzat
Vajzat që dalin xhiro kapur për dore
- Puthje burrash
Burrat që puthen në faqe kur takohen