Ndërsa Ukraina po përballet me agresionin rus, vetë Rusia tashmë është thuajse e izoluar për shkak të masave të marra kundër saj.
SHBA, BE, NATO kanë kundërshtuar sulmet ruse, ndërsa kanë bërë thirrje që të vendosen sanksioneve të forta ekonomike.
Por nga ana tjetër, kundër pushtimit rus, kanë dalë figura të njohura, emra të rëndësishëm të ekraneve, sportit, biznesmenë si edhe politikanë, duke i kthyer ‘shpinën’ Putinit.
Ndërsa lufta kundërshtohet me forcë, ka të tjerë që kanë ikur nga vendi nga frika e sanksioneve të mëtejshme, pasi disa biznese globale mbyllën dyert e tyre.
Mijëra janë paraqitur në Turqi në Finlandë, Gjeorgji si dhe Kirgistan.
Kremlini konfirmoi këtë javë se Anatoli Chubais është larguar nga vendi.
“Chubais ka dhënë dorëheqjen vullnetarisht. Dhe i takon atij nëse do të largohet apo jo,” tha për mediat zëdhënësi i Kremlinit Dmitri Peskov.
Putini i ka quajtur më parë figurat e njohura që kanë zgjedhur të largohen si “llum i vendit dhe tradhtarë”, transmeton BalkanWeb.
Por duket se fjalët e tij të ashpra kanë shumë pak ndikim, sidomos tek rusët të profilit të lartë që tashmë janë larguar dhe të tjerë planifikojnë ta bëjnë këtë.
The Mirros sjell disa emra të cilët kanë kundërshtuar ashpër luftën si edhe të tjerë që janë larguar.
Politikanët
Anatoli Chubais u pa në Stamboll këtë javë, pasi u arratis nga Rusia.
Ai punoi si i dërguar i presidentit për klimën dhe më parë i përkiste administratës së ish-presidentit Boris Yeltsin në vitet 1990.
Marine LePen
Kandidatja për president të Francës dhe liderë e ekstremit të djathtë i partisë Rally National ka pasur më parë një marrëdhënie të ngushtë me Putinin.
Ajo më parë pretendoi se Rusia nuk do të pushtonte Ukrainën dhe e përshkroi atë si një keqkuptim.
Por pas pushtimit, ajo deklaroi se nuk kishte “asnjë arsye për të justifikuar” sulmet në Ukrainë.
Matteo Salvini
Ish-zëvendëskryeministri italian dhe politikani i Ligës së ekstremit të djathtë, Matteo Salvini ishte përshkruar më parë si ‘njeriu i Putinit në Evropë’.
Por në mediat sociale, ai dënoi agresionin ushtarak dhe bëri thirrje për një “përgjigje të përbashkët nga aleatët”.
Eric Zemmour
Eksperti francez i ekstremit të djathtë ka thënë më parë se e admironte Putinin dhe e quajti atë “patriot”.
Ai shprehu gjithashtu shqetësim për zgjerimin e NATO-s.
Por më pas ai e dënoi pushtimin dhe e quajti atë “të pajustifikueshëm”.
Më parë, presidenti i Republikës Çeke, Miloš Zeman, u tërhoq nga mbështetja e tij për Putinin, ndërsa kryeministri hungarez Viktor Orbán, një aleat i ngushtë i Putinit, gjithashtu e dënoi atë.
Të famshëm që kanë dalë kundër Putin.
Valery Meladze
Këngëtarja ruse “i lutej” Rusisë që të ndalonte konfliktin.
Një ditë pas fillimit të luftës, ajo tha: “Sot ndodhi diçka që nuk duhej të ndodhte kurrë. Ju lutem, ndaloni luftën.”
Svetlana Loboda
Ylli i Eurovizionit është shprehur: “Zemra ime është thyer… Zot, ndaloje këtë!”
Oxxxymiron
Reperi anuloi gjashtë shfaqje të shitura në Moskë dhe Shën Petersburg, duke shkruar: “Unë nuk mund t’ju argëtoj kur raketat ruse po bien mbi Ukrainën”.
Gerard Depardieu
Aktori francez dikur u fotografua duke përqafuar Putinin, pasi iu dha shtetësia ruse.
Por ai e përshkroi luftën si “vëllavrasëse” dhe i kërkoi udhëheqësit botëror të negociojë me Ukrainën.
Ivan Urgjent
Ylli televiziv rus, në një status në Instagram shkroi: “Frikë dhe dhimbje. JO LUFTËS”.
Maxim Galkin
Kundër foli edhe bashkëshorti i këngëtares Alla Pugacheva – një nga fytyrat më të njohura të Rusisë.
Atletët
Gjithashtu shumë yje të sportit rusë kanë dalë në kundër luftësë Putinit, duke bërë thirrje për t’i dhënë fund konfliktit.
Andrey Rublev
Në një reagim të tij në rrjete sociale ai shkroi: “Jo luftë ju lutem”.
Alex Ovechkin
Hokeisti i NHL-së, i cili ka folur më herët me tone pozitive për Putinin, bëri thirrje gjithashtu që pushtimi të përfundojë.
Gazetarët
Marina Ovsyannikova
Gazetarja Marina Ovsyannikova, e cila u bë edhe lajmi kryeson në mediat ndërkombëtarë në fillim të këtij muaji, kur shpërtheu në një transmetim të drejtpërdrejtë lajmesh në Channel One duke mbajtur një panlartë ku shkruhej: “Jo luftës, ndaloni luftën, mos i beso propagandës, ata po të gënjejnë këtu. .”
Zhanna Agalakova
Gazetarja ruse, Zhanna Agalakova ish-lexuesja e lajmeve e Channel One , punonte si korrespondente e kanalit në Paris në kohën e pushtimit, dhe tregoi se arsyeja e vetme që ajo la punën e saj ishte pushtimi.
Arkady Dvorkovich
Presidenti i Federatës Ndërkombëtare të Shahut (FIDE), ka kritikuar luftën.
“Luftërat vrasin shpresat dhe aspiratat, ngrijnë ose shkatërrojnë marrëdhëniet dhe lidhjet”, ka thënë ai.
Yan Nepomniachtchi
Shahisti numër pesë i botës nga Rusia ndau gjithashtu një mesazh duke bërë thirrje që të ndalej lufta.
Në ditën e pushtimit të Rusisë, ai shkroi në Tëitter: “Historia ka parë shumë të enjte të Zeza. Por sot është më e zezë se të tjerat.”
Sofia Abramovich
Vajza e Roman Abramovich postoi një foto në Instagram ku shkruhej “Rusia dëshiron një luftë me Ukrainën”: duke shtuar: “Gënjeshtra më e madhe dhe më e suksesshme e propagandës së Kremlinit është se shumica e rusëve janë me Putinin”.
Liza Peskova
Vajza e zëdhënësit të Kremlinit Dmitry Peskov, postoi në rrjetin social Instagram një mesazh në një sfond të zi ku shkruhej “Jo luftës”.