Në një kohë kur vendi është prekur nga COVID-19, seanca e sotme parlamentare u mbajt nën rregulla strikte të higjienës dhe distancimit social.
Në hyrje të Sallës së Seancave, një grup personeli mjekësor mati temperaturën e deputetëve dhe të administratës.
Të gjithë janë me maska dhe doreza, si masa mbrojtëse kundër Covid-19.
Deputetët u ulën në vendet e tyre të zakonshme, dhe ruajën distancën e nevojshme duke shpërndarë në pothuajse të gjithë sallën, në lozhat anësore të katit të parë dhe katit të dytë si dhe galerinë e sipërme të sallës.
