Atmosfera e “Shën Valentinit” e konsideruar si festa e të dashuruarëve është ndjerë në kryeqytet dhe kjo jo vetëm nga trëndafilat që “shpërthejnë” ashtu sikurse çdo vit.
Ajo që i ka dhënë festës akoma edhe më shumë ngjyra ka qenë dekorimi i Tiranës që përpara disa ditësh, ku mjafton të përmenfdim “valën” e zemrave që dukej sikur “ buronin” nga dritarja e bashkisë.
Megjithatë edhe pse “ Sheshi Skënderbej” dhe zona të tjera u “ veshën” me simbolikën e festës, përsëri “ Parku i Liqenit” është ai që tërheq më shumë njerëz, kjo edhe me anë të aktiviteteve të shumta që bashkia e Tiranës zhvillon.
Ajo që pati më shumë vemendje sot ishte martesa e një çifti në këtë ditë të shënuar, të cilët madje nuk nguruan të mbillnin edhe një pemë.
