Ish-kryeministri Sali Berisha nga Feri, ku u takua me demokratët në kuadër të 31-vjetorit të themelimit të kësaj dege ka kërkuar sërish largimin e Lulzim Bashës.
Berisha tha se në 3 muaj, foltorja, Kuvendi Kombëtar dhe referendumi për shkarkimin e Bashës janë mrekullia më e madhe që ka ndodhur këto 30 vite. Lideri historik i PD tha se Basha është peng i Ramës dhe premtoi se do i falsin 20 karrige dhe 20 brava.
Në një hark kohor 3 mujor i dha vendit ato mrekulli që Shqipëria dhe Shqiptarët nuk i kishin parë kurrë më parë. I dha vendit Kuvendin e Lirisë i mbledhur nga anëtarët, i dha vendit referendumit. Tregoi se liria nuk vdes kurrë në zemrat tona dhe se në jemi dhe do të qëndrojmë të pamposhtur në mbrojtje të saj.
Miqtë e mi, pasi dështuan në marrjen peng të PD, pasi dështuar në përpjekjet e tyre për të dekurajuar foltoret, për të dekurajuar Kuvendin e lirisë, tani këta mjeranë Edi Rama me pengun e tij kërkojnë të marrin shtëpinë e lirisë. Shtëpinë tuaj, shtëpinë tonë.
Për secilin prej jush për çdo shqiptar, t’u sqaroj se këtu nuk është problemi për një karrige apo për një zyrë. Se ne jemi aq zemërgjerë sa do ti falim Lulzim Bravës 20 karrige dhe 20 brava. Problemi është tek parimi themelor i çdo demokracie në të cilën shumica qeveris dhe pakica respektohet. Shkelmimi i këtij parimi është tipari i regjimeve diktatoriale. Shkelmimi i këtij parimi është tipar i diktaturave komuniste.
Ndaj dhe kërkoj vëmendjen tuaj por në mënyrë të veçantë të të gjithë anëtarëve dhe të mbështetësve të PD të cilët s’u bënë pjesë që në fillim të këtij procesi të bashkohen me ne. Nuk është këtu çështje e karriges së atij apo këtij personi, po i ekzistencës së PD.
Për të bindur shqiptarët se ai është bërë famoz në problemet e matematikës u thotë se 1958 delegatë që s’ishin çereku i tyre delegatë por le ti marrin sikur ishin delegatë në pallati ne kongreseve ishin 5004 delegatë. Shumë kanë shtuar probleme se nëse është ky zotëri me çështje madhore të shëndetit mendor, unë u them jo ky njeri është me çështje madhore të moralit njerëzor. Është një peng i vërtet, peng i dosjes nik muzinit, peng i dosjes Topyta Yaris dhe siç po del është i lidhur në afera biznesi në portin e Durrësit me vetë Edi Ramën. Pra s’kemi të bëjmë këtu me njeri me çrregullime të shëndetit mendor por kemi të bëjmë me një farë të keqe të moralit njerëzor që nuk njeh asnjë norma asnjë standard”, tha Berisha.
Duke komentuar situatën në PD Berisha tha se Basha ka blinduar dyert, duke e krahasuar me Enver Hoxhën. Berisha nuk i kurseu akuzat ndaj Bashës dhe teksa tha se e ka shndërruar selinë blu si shpellë të grupeve terroriste, duke vendosur dyer e blinde të reja shtoi se më 8 dhjetor do të mbahet një protestë festive e paqësore për zbatimin e vendimit për shkarkimin e Bashës.
“Data 8 është historike për kombin. Për herë të parë vendimin suprem të referendumit dhe anëtarësisë e zbaton në një protestë festive paqësore vetë anëtarësia e PD. Disa mesazhe kam marrë këto ditë dhe disa prej tyre më thonë doktor ky njeri po të kishte qenë kryeministër s’di kishte pranuar humbjen e zgjedhjeve por do kishte blinduar ndërtesat për të mos dorëzuar pushtetin. Sikur të ishte produkt i zyrave sekrete terroriste, ky njeri kthehet dhe vendos dyer e blinda të reja në selinë e PD, e shndërron atë siç kanë qenë dikur degë të punëve të brendshme të Enver Hoxhës apo siç janë sot shpellat e grupeve terroriste në botë”.
Ish-lideri i PD u shpreh se Basha është peng i Ramës, ndërsa i bëri thirrje këtij të fundit të mos bëjë më skenare kundër PD.
Në 31 vjetorin e saj përzuri Rilindjes Demokratike, e cila gjatë gjithë kësaj periudhe qëndroi organ i fjalës së lirë. Ndaj kemi arsye të festojmë të shtunën. Një thirrje i bëj Ramës, hiq dorë nga skenaret e thurura bashkë me pengun tënd kundër demokratëve. Hiq dorë se merremi njëlloj si me pengun dhe pengmarrësin. Ne kërkojmë shtëpinë tonë që është shndërruar në një burg të vërtetë, ta shndërrojmë në shtëpinë e lirisë”, shtoi Berisha.
