Në Kuvendin e Shqipërisë, jo të gjithë e kanë fatin e madh e aktual të gëzojnë një diplomë.
Ndoshta jo sepse nuk munden, por përgjegjësia për ti shërbyer popullit në moshë fare të re, bëhet më e rëndësishme se mbarimi I studimeve, që supozohej të të çonin drejt punës.
Janë katër, dy prej të cilave vijnë nga LSI, forcë e njohur për promovimin e të rinjve tregoi edhe nëjherë se mund të fusë në Kuvend deputete që ende frekuentojnë auditoret.
Bëhet fjalë për Kejdi Mehmeti dhe Floida Kërpaçi, ndërsa shoqërohen nga studentja e tretë Reme Lala.
Mehmeti vazhdon studimet për Inxhinieri, Kërpaçi për mjekësi dega Farmaci, kurse deputetja Lala vazhdon studimet për degën Financë.
Ndërsa studenti i katër, por që ka mandat deputeti është Anduel Xhindi. Sipas CVsë së tij të dorëzuar në Komisionin Qendror të Zgjedhjeve, Xhindi ka deklaruar se po vazhdon fakultetin e Ekonomisë që prej vitit 2006, por ende nuk e ka përfunduar atë.
/AlpeNews.al
