Kur na ndajnë pak orë nga mbajtja e referendumit të thirrur nga Sali Berisha për shkarkimin e Lulzim Bashës si kryetar i PD-së, ish-kryeministri i është drejtuar me një mesazh komisionerëve.
Berisha kërkon që të gjithë të bëjnë përpjekje maksimale me qëllim që të sigurohet pjesëmarrja e të gjitha anëtarëve të PD-së.
Ai thotë se në këtë referendum jetike është vota e lirë.
“Drejtuar komisionerëve të Referendumit të Shpresës. Një përshendetje të përzemërt të gjithë ju komisionereve dhe komisionerëve te qendrave te votimit. Këto orë që na ndajnë nga hapja e qendrave të votimit le të bëjmë përpjekjet me maksimale që të sigurojmë pjesëmarrjen e të gjithë anëtarëve të Partisë Demokratike në votim. Për ne, rëndësi përcaktuese dhe absolute në këtë festival të votës së lirë ka mbi të gjitha, transparenca e procesit dhe administrimi me korrektesë absolute i çdo vote. Në këtë referendum jetike është vota e lirë e anëtarësisë të PD! Suksese”, shkruan Berisha.
Kujtojmë që nesër do të zhvillohet edhe Kuvendi Kombëtar i thirrur nga kryetari i PD-së, Lulzim Basha.
