Politikani Dashamir Shehi është shfaqur pas shumë kohësh publikisht, duke treguar se nesër mbush 6 javë në një karantinë strikte, kjo për shkak edhe mosha e tretë është më e prekur nga koronavirusi.
Shehi tha në emisionin “Opinion” se Shqipëria duhet të vijojë të ndjekë shembullin e ndërkombëtarëve, por shtoi se gjatë kësaj periudhe i është “lënë shumë vend krijimtarisë shqiptare”.
Sipas tij, Shqipëria si vend i vogël dhe me moshë mesatare të popullsisë të re, do të arrijë të rimëkëmbet.
Pjesë nga deklarata:
Po në karantinë serioze. Nesër bëj 6 javë. E kam marrë seriozisht këtë punë, i respektoj regullat. Edhe për shkak të frikës. Frikë në kuptimin e kësaj që frika është një ndjenjë njerëzore. Puna është që realiteti po tregon që një kategori njerëzish janë më vulnerabël se një kategori tjetër.
Frika është se u bënë dy muaj, tre muaj, çdo bëhet më tej, nëse bota nuk rotullohet, aq më tepër për një vend të varfër si ne. Sigurisht që Shqipëria ka edhe një shans tjetër që duke qenë se është e vogël ngrihet shumë shpejt. Fatmirësisht gjykoj që këtë javë kemi përpara një lloj guide, atë që duhet të bëjë komuniteti ndërkombëtar atë duhet të bëjë edhe Shqipëria. Por nuk e kemi bërë shumë, i kemi dhënë shumë vend krijimtarisë shqiptare.
