Udhëheqësit e Kanadasë dhe Meksikës folèn në telefon me Presidentin Donald Trump javën e kaluar për të kërkuar zgjidhje lidhur me tarifat qè ai vendosi për vendet e tyre. Por presidenti i Kinës duket se nuk ka gjasa të bëjë një telefonatë të ngjashme pèrkohesisht.
Pekini, i cili ndryshe nga partnerët dhe fqinjët e ngushtë të Amerikës ka qenë i bllokuar në një luftë tregtare dhe teknologjike me SHBA-në prej vitesh, po merr një qasje të ndryshme ndaj Trump në mandatin e tij të dytë, duke e bërë të qartë se çdo negociatë duhet të zhvillohet në baza të barabarta.
Udhëheqësit e Kinës thonë se janë të hapur për bisedime, por ata gjithashtu kanë bërë përgatitje për tarifat më të larta të SHBA-së, të cilat janë rritur 20% që kur Trump mori detyrën shtatë javë më parë. Me synimin për të mos u kapur në befasi siç ndodhi gjatë mandatit të parë të Trump, kinezët ishin gati me masa hakmarrëse — duke vendosur taksat e tyre javën e kaluar mbi importet kryesore të fermave në SHBA dhe më shumë tè tjera.
“Ndërsa Uashingtoni përshkallëzon tarifën, Pekini nuk sheh opsione të tjera përveçse të hakmerret”, tha Sun Yun, drejtor i programit të Kinës në Qendrën Stimson, një institut kërkimor me bazë në Uashington. “Kjo nuk do të thotë se Pekini nuk dëshiron të negociojë, por nuk mund të shihet si lutje për bisedime apo mëshirë.”
