Ekziston një mit që thotë se muskujt e vaginës ngushtohen apo lirohen në varësi të jetës seksuale.
Pra nëse bëni më pak seks, vagina ka tendencën të ngushtohet. Por kjo sipas ekspertëve nuk është aspak e vërtetë.
Muskujt e vaginës zgjerohen gjatë seksit, por kanë aftësinë të kontraktohen dhe të kthehen në formën e tyre fillestare, njësoj ndodh edhe pas seksit apo pas lindjes. Megjithatë janë dy raste kur vagina ndryshon formë për një kohë më të gjatë.
E para pas lindjes, pasi muskujt duan rreth 6 muaj të rikthehen në normalitet dhe e dyta, pasi me kalimin e moshës bien nivelet e hormoneve në trup, që do të thotë se muret vaginale dobësohen dhe bëhen më pak elastike, prandaj muskujt mund të lëshohen, megjithatë lajmi i mirë është se muskujt mund të tonifikohen nëpërmjet ushtrimeve të caktuara, pavarësisht moshës.