Kryeministri Edi Rama ka reaguar pak momente më parë në Facebook, për dështimin e hapjes së negociatave për Shqipërinë dhe Maqedoninë e Veriut.
Ai ka shpërndarë në faqen e tij zyrtare në Facebook, një deklaratë të ministrit të Jashtëm në Detyrë Gent Cakajt, ndërsa thotë se BE nuk hapi negociatat, pasi sipas tij nuk arriti të kapërcejë konfliktin e brendshëm.
“BE nuk arriti të kapërcejë konfliktin e brendshëm për të mbajtur angazhimin e marrë në qershor, për çeljen e negociatave për anëtarësim me dy vende të tjera.
• SHBA-të shprehin zhgënjim dhe mbështesin hapur, përkushtimin e arritjet e Shqipërisë në procesin e përmbushjes së kushteve për çeljen e negociatave.
• Shqipëria vazhdon angazhimet e saj reformuese dhe përpjekjet në shërbim të aspiratës europiane”, shkruan Rama.
