Kryetari i Komitetit të jashtëm të PE, David McAllister, në një konferencë për mediat ka deklaruar se duhet të hapen negociatat për Shqipërinë dhe Maqedoninë e Veriut, pasi dy vendet kanë plotësuar kushtet.
“Kemi pasur disa takime, me Metën, Ramën dhe Jorida Tabukun e cila është edhe kryetarja e komunitetit për integrimin e BE-së. Shqipëria është një anëtarë e vlefshme e familje sonë Europaine dhe një aleat që ka kryer një rol kyç për çështjen e sigurisë së Europën. Gjatë takimeve tona me politikëbërës dhe shoqëri civile kemi dhënë këto mesazhe: BE s’ka kohë për të humbur për çeljen e negociatave me Shqipërinë dhe Maqedoninë e Veriut sepse të dy vendet kanë përmbushur kushtet. Shqipëria nuk ka kohë për të humbur për të vijuar reformat në të mirë të qytetarëve. Duhet bashkëpunim konstruktiv politik dhe konkurrencë, zgjedhje me garë të plotë. Palët politike të angazhohen në mënyrë konstruktive. Shqipëria ka arritur progres të konsiderueshëm në Reformën në Drejtësi dhe kjo duhet të sjellë funksionalitet të plotë të drejtësisë”, tha ai.
Më tej ai ka sqaruar se nisja e negociatave është vetëm fillimi, dhe se puna e varetë nis pas këtij hapi.
Nuk shoh ndonjë kontradiktë, thash se PE beson se kushtet janë përmbushur për të filluar negociatat dhe anëtarësimet, me çeljen zyrtare fillon puna e vërtetë që do duhet të bëhet. Të bëhesh pjesë e BE është punë e gjatë dhe një shtet duhet të përmbushë të gjitha kriteret politike, gjyqësore… por në fund ia vlen sepse sjell të mira për qytetarët dhe vendin.
Ne jemi dakord që Shqipëria ka përmbushur kushtet për çeljen e negociatave, por natyrisht kemi folur dhe për shumë probleme dhe shqetësime, për të cilat qeveria dhe opozita janë në dijeni. Duhet të ketë ecuri në luftën e krimit të organizuar, lirinë e medias e shumë e shumë gjëra të tjera, ka shumë gjëra për të bërë, por besoj se me mbështetjen e BE duhet ta fillojmë këtë proces me Shqipërinë dhe askush se di sa zgjat proces i negocimit, sepse varet sa është gati është një shtet që do të bëhet anëtare, t’i përmbushë”, tha ai.
