Ilir Meta dhe njerëzit pranë tij, kanë nisur të bëjnë shantazhe, duke pretenduar se kanë video erotike të ambasadorëve perëndimorë.
Mediat pranë Metës bënë me dije se janë duke përgatitur videot.
Të njëjtën gjë thanë edhe për Ardian Dvoranin, se të hënë do t’i publikonin një videoskandal, gjë që nuk ndodhi.
Thjesht Meta kërkoi një ditë më parë, që t’i vihen në dispozicion mbledhjet e KED-it, pasi pretendon se aty janë bërë shkelje.
Ndaj dhe në rrjet ka nisur ironia me Metën, duke i kërkuar që të publikojë videot.
“Ore ju të asaj studios që po përpunoni ato videot, se thatë që keni shumë video dhe duan ca kohë për tu bërë gati.
Ore po ne që ju drejtuam mbrëmë nuk e kishim nga qejfi atë punë, se jemi mosha të thyera dhe nuk kemi nge as të presim e as të tallemi, kështu që na transmetoni neve atë me të q*rë, dhe pastaj ato të tjerat që janë me korrupsione, me emërime gjyqtarësh dhe me gjëra vari k**in, as i duam fare, mbajini për vete, hajde tani!
Dhe për cilësinë e figurës mos u shqetësoni hiç, sepse jemi brezi që rrinim varur nëpër antena, d.m.th jemi ata të ekranit bardhezi, me miza dhe zhurmë, madje, madje, them se nga e keqja do mjaftoheshim edhe vetëm me zërat, si tek rubrika e dikurshme “Teatri në mikrofon””, shkruan me ironi Edmond Bejtaj.(TemA)