Presidenca e Shqipërisë, ka ulur sot Flamurin Kombëtar në gjysmështizë, në nder të veprës së vyer të presidentit të 41-t të SHBA-ve George H. W Bush.
Njoftimi i Presidencës:
Në nderim e mirënjohje të veprës së vyer të Presidentit të 41 të SHBA-ve, George H.W. Bush ndaj ndryshimeve të para demokratike në Shqipëri e qëndrimit të tij të palëkundur për liritë e të drejtat e shqiptarëve, veçanërisht në Kosovë, në vlerësim e respekt të thellë ndaj betejës së tij të palodhur për lirinë dhe shembjen e Murit të Berlinit, Flamuri Kombëtar në Institucionin e Presidencës është ulur sot në gjysmështizë.
