Shtetet e Bashkuara të Amerikës kanë sekuestruar një avion luksoz që i përket presidentit autoritar të Venezuelës, Nicolás Maduro, me pretendimin se blerja e tij ishte në kundërshtim me sanksionet amerikane.
Departamenti Amerikan i Drejtësisë tha se avioni ‘Dassault Falcon 900EX’ u konfiskua në Republikën Domenikane dhe u transferua në Florida.
Prokurori i Përgjithshëm i SHBA, Merrick Garland shpjegoi në një deklaratë se avioni ishte blerë ilegalisht për 13 milionë dollarë dhe ishte kontrabanduar nga SHBA “për përdorim nga Nicolás Maduro dhe miqtë e tij”.
”Avioni u ble në Forida nga një kompani guaska dhe u dërgua në Karaibe në prill 2023”, shtoi Departamenti i Drejtësisë.
Kjo nuk është hera e parë që Maduro apo qeveria e Venezuelës janë në shënjestër të autoriteteve federale të SHBA-së të dyshuar për korrupsion.
Në vitin 2020, departamenti i drejtësisë akuzoi Maduro dhe 14 zyrtarë venezuelianë për narko-terrorizëm, korrupsion dhe trafik droge.
Maduro, i cili ka qenë në pushtet që nga viti 2013, siguroi një mandat të tretë në zgjedhjet e diskutueshme të mbajtura më 28 korrik.
Opozita akuzon qeverinë për mashtrim zgjedhor dhe pretendon fitoren për kandidatin e saj, Edmundo González. Nga ana tjetër edhe SHBA thotë gjithashtu se Maduro humbi duke u shprehur se kia prova se ka fituar Gonzalez, shkruan BBC.
