Nga foltorja e Kuvendit, ndërsa foli për situatën e krijuar nga koronavirusi në vend, kryeministri Rama u tregua optimist, ndërsa tha se Shqipëria do ta fitojë “betejën në frontin e shëndetësisë, por edhe të ekonomisë”.
Sipas Ramës, Shqipëria renditet mes vendeve me plagët më të lehta krahasuar me shumë vende të tjera, ndërsa shtoi se “asnjë vend në glob nuk ka bërë më shumë se sa ne”.
“Qeveritë vlerësohen për atë që bëjnë dhe atë që ndalojnë të ndodhë dhe nuk ka asnjë arsye mbi baza ët qëndrueshëm logjike që mund të hedhë poshtë faktin se sot Shqipëria ja ka dalë fazës së parë të përballjes me këtë armik të padukshëm.
Në kushtet e stresit, mungesës së durimit apo ët vullnetit për t’u informuar nga burime zyrtare, qofshin vendase, qofshin të huaja, ka hapësirë edhe për teori konspiracioni he fantazi mbi një komplot të madh botërorë për arsye nga më të ndryshme që fantazia e shfrenuar i gjen, por e vërteta është se ne jemi këtu së bashku me gjithë botën dhe e shohim çdo ditë se dhe vendet më të pasura më të ditura janë në konfuzion.
Asnjë vend në glob nuk ka bërë asgjë më shumë se sa kemi bërë ne. Jo rastësisht Shqipëria renditet me s vendeve me plagët më të lehta krahasuar me shumë vende të tjera. fatmirësisht jemi gjendur në një situatë ku kemi pasur privilegjin t’i referohemi një ekspertize në nivelin më të lartë që janë në Shqipëri. Ata kanë provuar se për këtë fushë Shqipëria nuk ka kujt t’i ketë zili.
Kjo luftë ka dy fronte. Atë të përballjes në vijën e zjarrit, frontin e betejës për shëndetin he rimëkëmbjen ekonomike sot dhe nesër. Ne po fitojmë betejën në frontin e shëndetësisë, do ta fitojmë dhe në frontin e ekonomisë. me stres e sakrifica, por do t”i fitojmë të dyja betejat“, tha Rama.
