Kryeministri Edi Rama ka vizituar kantierët e rindërtimit të shkollave në Larushk, Luz dhe Krujë.
Ndërsa shkruan se vijon pa pushim puna për rindërtimin e kantierëve, Rama thekson se shkolla nëntëvjeçare e Larushkut “Hajdar Hoxha” do të presë në fund të janarit 370 nxënës, ndërsa brenda shkurtit shkolla nëntëvjeçare e Luzit, “Gjon Luka” do të hapë dyert për 160 nxënësit e saj
“Vijon papushim puna në kantieret e shkollave. Shkolla nëntëvjeçare e Larushkut “Hajdar Hoxha” do të presë në fund të janarit 370 nxënës, ndërsa brenda shkurtit shkolla nëntëvjeçare e Luzit, “Gjon Luka” do të hapë dyert për 160 nxënësit e saj”, thotë Rama.
Më tej i ka kthyer përgjigje dhe opozitës e cila sulmon se janë shpërdoruar fondet e rindërtimit, duke theksuar se 158 shkolla të reja me standarde europiane janë një përgjigje kuptimplotë, ndaj kujtdo që gjuan me gurë e me baltë mbi këtë qeveri.
“158 shkolla të reja me standarde europiane janë një përgjigje kuptimplotë, ndaj kujtdo që gjuan me gurë e me baltë mbi këtë qeveri që në 7 vjet e 3 muaj ka bërë më shumë përShqipërinë që duam se sa të gjitha qeveritë e tjera bashkë”, shton më tej Rama.
