Ndryshe nga moda e tanishme ajo nuk priti të mbushte 20 vjeç që të kujtohej se mund të bëhej këngëtare. Ka qenë që në fillim. Kjo është Irma Libohova, kur këndonte këngën “Gabimi i Mirelës”. Foton na e ka zbuluar Monika Lubonja, si për të na kujtuar se Irmën e kemi nga të vetmet këngëtare të brezit të shkuar që merr formën e enës ku hidhet. Kohët, muzika e tendencat le të ndryshojnë, Irma përherë e freskët. Seç ka një sekret ajo, që nuk plaket kurrë edhe pse ka aq shumë vite në skenë, që kur zhgarraviti emrin në autobusin e unazës, në kompozimin e Aleksandër Lalos. I njëjti portret, e njëjta Irmë.
