Zv.ministrja e Shëndetësisë, Mira Rakacolli, është shprehur se dy javët e ardhshme do të jenë vendimtare për situatën e pandemisë në vendin tonë, pasi pritet një rritje e rasteve për shkak të fushatës elektorale.
“Jemi në ankth sesi situata do të shkojë në dy javët e ardhshëm pasi pritet të reflektojnë moszbatimin e masave siç duhet gjatë tubimeve në disa subjekteve politike”, u shpreh Rakacolli.
Zv.ministrja tha në A2 se numri i pacientëve të shtruar në spital nuk është shumë i lartë, por ka shumë raste që ndodhen në gjendje të rëndë.
“Nuk kemi shumë pacientë në spital, por ka shumë raste që ndodhen në gjendje të rëndë. Vdekjet nuk janë në shifrat që kanë qenë më parë, por po ta krahasosh me numrin në spital, diferenca nuk është aq e madhe”, tha ajo.
