Kuvendi i Republikës ka ndryshuar këtë të mërkurë formulën e përfaqësimit të Komisionit të Reformës Zgjedhore. Nga 18 anëtarë që ishin deri tani, ky komision do të përbëhet nga 10 anëtarë, pesë nga Partia Socialiste dhe 5 nga opozita.
Emrat e anëtarëve të Partisë Socialiste në këtë komision, të cilët janë si vijon: Damian Gjiknuri (bashkëkryetar), Bashkim Fino, Klotilda Ferhati, Blerina Gjylameti dhe Alket Hyseni.
Nga grupi parlamentar i PD-së si anëtare në komision do të jetë Rudina Hajdari dhe Andi Përmeti nga Bindja Demokratike, ndërsa dy anëtarët e tjerë vijnë nga grupi i të pavarurve si Ralf Gjoni dhe Nimet Musai.
Ndryshimet e miratuara në Komision e Reformës Zgjedhore do t’i kalojnë nesër Kuvendit për votim. Gjithashtu po gjatë të enjtes do të votohet edhe zgjatja e afatit me kërkesë të Taulant Ballës deri me 28 nëntor.
