Dy zëvendës ministra në kabinetin Rama 3, pritet të largohen nga detyrat që mbajnë për t’u përfshirë në diplomaci.
Gazetari Top Channel Muhamed Veliu, duke iu referuar burimeve qeveritare, ka mësuar se dy zëvendësministrat që lëvizin janë Artemis Malo dhe Besart Kadia.
Artemis Malo, aktualisht Zëvendës Ministre e Punëve të Jashtme, ka marrë aprovimin e kryeministrit Edi Rama për të shkuar ambasadore e Shqipërisë në Kanada.
Zoti Kadia është propozuar për të shërbyer si ambasador në Azeirbaxhan.
I rikthehet diplomacisë aktive ish-ambasadori ynë në Izrael Tonin Gjuraj aktualisht pedagog në një universitet privat.
Ai do të përfaqësojë diplomacinë shqiptare në Kroaci.
Në Komisionin Parlamentar për Punët e Jashtme paraditen e të mërkurës doli për dëgjesë diplomati Ernal Filo, i përzgjedhur për të qenë ambasadori i parë i Shqipërisë në Ukrainë.
Diplomati karrierës Ernal Filo për disa vite ka shërbyer si ambasador i Shqipërisë në Malin e Zi./tch
