Ekziston një mbështetje e lartë publike për përdorimin e sistemit të taksave për të reduktuar mbeturinat nga plastika, thotë Thesari. Një konsultim se si taksat mund të zgjidhnin problemin në rritje dhe të promovonin riciklimin tërhoqën 162,000 përgjigje.
Ministri i Thesarit Robert Jenrick tha se qeveria po vështronte “stimuj të zgjuar dhe inteligjentë” që prodhuesit e plastikës për të marrë përgjegjësinë. Raportet sugjerojnë një taksë mbi prodhuesit dhe disa produkte plastike të disponueshme mund të futen në Buxhet. Taksa mund të shihte masa të reja të prezantuara, të tilla si p.sh për gotat e kafesë.
Në janar, deputetët në Komitetin e Auditimit Mjedisor kërkuan të ashtuquajturin taksën “latte” për gotat plastike, pasi Komiteti i Auditimit Mjedisor zbuloi rreth 2.5 miliardë gota kafeje të disponueshme çdo vit.
Kryesuesja e Komitetit Mary Creagh tha: “Pothuajse asnjë nuk riciklohet dhe rreth gjysëm milion të tilla në ditë sjellin ndotjen. Prodhuesit e gotave të kafesë dhe shpërndarësit nuk kanë ndërmarrë veprime për të rregulluar”.
Fusha të tjera që mund të ndikohen përfshijnë kuti e vogla plastike që mund të merren me vete. Këtë muaj u zbulua se shumica e enëve plastike të ushqimit në dyqane nuk mund të riciklohen.
Jenrick tha: “Unë jam mbingarkuar nga mbështetja e publikut dhe përgjigjet që kemi marrë do të jenë të paçmueshme, ndërsa zhvillojmë planet tona për përdorimin e sistemit tatimor për të luftuar këtë”.
“Detyra jonë për të lënë mjedisin në një gjendje më të mirë se sa kemi gjetur, është absolutisht e qartë dhe ajo që kemi përcaktuar sot është një hap tjetër i rëndësishëm për të siguruar një të ardhme më të pastër dhe më të gjelbër për Britaninë”.
Ministri tha se dëshironte të inkurajonte përdorim më të madh të plastikës që mund të riciklohet, si dhe të dekurajonte përdorimin e plastikës që është e vështirë për t’u ricikluar, si plastika e zezë e karbonit apo dhe artikujt me përdorim të vetëm.