ISHM ka penalizuar gjashtë kompani nafte për shkak të ndotjes në lumenj.
Ispektoriati Shtetëror i Mjedisit ka penalizuar 6 kompani nafte në qarkun e Fierit, pasi kanë shkaktuar ndotje mjedisi nëpër lumenj. Sipas kreut të këtij inspektoriati, Hader Cakos, ndaj këtyre kompanive janë marrë 49 masa administrative që kapin vlerën prej 9.4 milion lekë të reja, pas derdhjeve të naftës në lumin Gjanica dhe në mjedis.
“Gjatë periudhës së vitit 2018, nga inspektoriati janë vendosur rreth 49 gjoba administrative, të cilat janë në vlerë leku. Fillojmë që nga Albpetrol, Dy Uzinat, A1 Oil, Trans Oil“, deklaroi Cako.
Vendosja e gjobave ka frenuar shkarkimet e kompanive në lumin Gjanica . Prej dy muajsh presioni dhe gjobat e inspektoriatit mjedisor kanë reduktuar nivelin e ndotjes dhe shkarkimeve teknologjike dhe mbetjeve të hidrokarbureve në lumin Gjanica
