Partia Demokratike do vijojë të lobojë në SHBA, pavarësisht nga skandali me lobuesit me rusë në 2017, të cilëve u janë paguar shuma të konsiderueshme nga selia blu, ndërsa në hetim nga prokuroria vijon të jetë burimi i tyre.
PD ka arritur marrëveshjen me një tjetër kompani lobuese në SHBA. Report TV siguron detajet e kontratës me kompaninë lobuese. Kryetari i PD, Lulzim Basha ka firmosur me kompaninë “Sonoran Policy Group” me qendër në Uashington. Ndërsa për kompaninë amerikane ka firmosur Christian Bourge. Kontrata e PD me “Sonoran Policy Group” është lidhur këtë muaj dhe është e vlefshme deri në 11 tetor 2018.
(Kontrata e firmosur nga Basha me kompaninë lobuese)
Sipas pikave të kontratës, PD do t’i paguajë kompanisë amerikane 40.000 USD në muaj. Në kontratë parashikohet që kompania lobuese amerikane të organizojë takime mes përfaqësuesve të PD dhe kongresmenëve e autoriteteve të larta amerikane. Fokusi është promovimi i strategjisë së demokratëve në SHBA për luftën kundër krimit të organizuar.
