Nuk janë të pakta rastet e dhunës në familje, ndërkohë që viktima kryesisht janë gratë. Burime zyrtare nga policia e Tiranës bënë me dije se dy gra kanë bërë denoncim në komisariat se rriheshin nga bashkëshortët e tyre.
Kështu rasti i parë është ai i 32-vjeçares me inicialet A.F., e cila kallëzoi për dhunë fizike dhe psikologjike shtetasin me inicialet A.F., 45 vjeç. Ndërkohë rasti i dytë bën fjalë për një 22-vjeçare me inicialet H.H., e cila denoncoi burrin e saj, 28-vjeçarin me inicialet A.C.
NJOFTIMI I POLICISË
Komisariati i Policisë Nr. 3
Më datë 25.05.2018, u plotësua kërkesë-padia për lëshimin e urdhrit të mbrojtjes së menjëhershme për shtetasen A.F, vjeç 32 banuese Tiranë, pasi bashkëshorti A.F, vjeç 45, banues në Tiranë, ka ushtruar dhunë psikologjike dhe fizike ndaj saj. Materialet i kaluan Gjykatës së Shkallës Parë Tiranë. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.
Më datë 25.05.2018, u plotësua kërkesë-padia për lëshimin e urdhrit të mbrojtjes së menjëhershme për shtetasen H.H, vjeç 22, pasi bashkëshorti A.C, vjeç 28, banues në Tiranë, ka ushtruar dhunë fizike dhe psikologjike ndaj saj. Materialet i kaluan Gjykatës së Shkallës Parë Tiranë. Ligji Nr. 9669, datë 18.12.2006. “Për masa ndaj dhunës në marrëdhëniet familjare”.
