Një 34-vjeçare ka braktisur fëmijët e saj të mitur, duke u larguar jashtë vendit. Rasti është denoncuar në komisariatin e policisë së Skraparit nga bashkëshorti i 34-vjeçares.
Ai pretendon se bashkëshortja ka braktisur familjen, dy fëmijë të mitur, duke u larguar nga Shqipëria.
“Komisariati i Policisë Skrapar referoi materialet në Prokurori, ku nisi procedimi në gjendje të lirë për shtetasen J. R., 34 vjeçe, pasi ka kallëzuar bashkëshorti i saj, se kjo shtetase është larguar nga vendi dhe ka braktisur 2 fëmijët e tyre të mitur”, thuhet në njoftim.
