Policia e Shkodrës ka arrestuar dy shtetas të cilët janë gjetur me doza të lëndëve narkotike të dyshuar si canabis sattiva. Të dy të arrestuarit janë të një moshe të re. Personi i parë që është arrestuar sipas policisë vendore të Shkodrës është shtetasi K.B 25 vjeç banues në fshatin Shtoj i Ri. Ai ndodhej në një mjet tip Audi kur efektivët pas një kontrolli i kanë gjetur atij dy dozat e canabis sattiva duke bërë kështu arrestimin në moment. Personi i dytë që është arrestuar në flagrancë është shtetasi Y.I 26 vjeç banues në fshatin Rrashkullaj të Malësisë së Madhe. Ky person ndodhej në lagjen “Partizani” në Shkodër kur në mjetin tip Benz pas një kontrolli policia i ka gjetur atij 14 gram lëndë narkotike e dyshuar si canabis sattiva. Menjëherë policia ka bërë të mundur edhe arrestimin e 26 vjeçarit. Vazhdon që numri i të rinjve që përdorin lëndë narkotike apo që e shpërndajnë atë të jetë i lartë. Ja njoftimet e policisë për këto dy raste:
Më datë 24.08.2018, u arrestua në flagrancë shtetasi B.K., vjeç 25, banues në fshatin Shtoj i Ri, pasi në Shkodër, nga kontrolli në mjetin tip “Audi”, iu gjetën e bllokuan në cilësinë e provës materiale 2 doza lëndë narkotike e llojit Canabis Sativa. Neni 283 i Kodit Penal.
Më datë 24.08.2018 u arrestua në flagrancë shtetasi Y.I., vjeç 26, banues në fshatin Rrashkullaj, Malësi e Madhe, pasi në lagjen “Partizani”, nga kontrolli në mjetin tip “Benz”, iu gjetën e bllokuan në cilësinë e provës materiale 14 gr. lëndë narkotike e llojit Cannabis Sativa. Neni 283 i Kodit Penal.
