Ndryshe nga e shkuara, gara për kreun e federatës shqiptare të futbollit po përjeton ditë të nxehta sa i takon rivalitetit mes dy kandidatëve. Armand Duka është në kërkim të mandatit të tij të pestë si president i FSHF-së, ndërsa deputeti Bashkim Fino e ka për herë të parë këtë format gare.
Ndaj në seancën e sotme të parlamentit, në një foto të siguruar nga gazetarja Elda Menga për “BalkanWeb”, shihet Bashkim Fino që diskuton gjatë me Fidel Yllin, homologun e tij të Partisë Socialiste, që natyrisht në çështjet sportive është më ekspert, pasi ish-mundësi dhe ish-trajneri, ka qenë edhe dy herë anëtar i Koksh-it.
Mbase mund t’i kenë hedhur një sy bashkarisht dhe emisionit të së dielës, Fair-Play, për të dëgjuar më të detajuar platformën që Duka parashtroi përballë moderatores Enkeleida Zeko. Gjithsesi, një mendim më shumë nuk i bën dëm askujt, as zotit Fino.