Kur tenton t’i bësh gropën tjetrit, bie vet brenda. E tillë është historia e një burri nga Lushnja, i cili tentoi të vidhte për herë të dytë në banesën e dikujt, ndërsa u kap ‘mat’ nga pronari.
Por, siç duket nuk është mjaftuar me kaq, pasi ka shkuar sërish në banesën e Hajdarit, për të marrë sërish sende prej aty, por është përballur me pronarin. Ky i fundit, në shenjë hakmarrje, ka mbajtur dhe dhunuar fizikisht Shkëlqim Çollaku në banesën e tij për rreth 5 orë dhe më pas e ka lënë të lirë. Lidhur me këtë ngjarje, policia lokale arrestoi tre persona; hajdutin, vëllain e tij, dhe personin që u grabit.
NJOFTIMI I POLICISË
Specialistët për Hetimin e Krimeve në Komisariatin e Policisë Lushnje, ndaluan shtetasit:
-Shkëlqim Çollaku, 41 vjeç, banues në fshatin Çermë, Divjakë.
-Lulëzim Çollaku, 45 vjeç, banues në fshatin Shegas, Lushnje.
-Nertil Hajdari, 31 vjeç, banues në fshatin Konjat, Lushnje.
Në datën 19.11.2017, rreth orës 18:20, shtetasi Shkëlqim Çollaku, në fshatin Konjat, ka vjedhur një motoçikletë të markës “Piaggio”, pa targa, në pronësi të shtetasit Nertil Hajdari, dhe e ka çuar për ta fshehur në banesën e vëllait të tij Lulëzim Çollakut, të cilin e ka vënë në dijeni për faktin se motorin e kishte vjedhur.
Më pas, shtetasi Shkëlqim Çollaku është kthyer në banesën e shtetasit Nertil Hajdari për të vjedhur sende të tjera por është kapur nga shtetasi Nertil Hajdari, i cili e ka mbajtur dhe dhunuar fizikisht shtetasin Shkëlqim Çollaku në banesën e tij për rreth 5 orë dhe më pas e ka lënë të lirë.
Shtetasi Nertil Hajdari këtë ngjarje nuk e ka njoftuar në organet e rendit dhe pasi e ka lënë të lirë shtetasin Shkëlqim Çollaku, ka mbajtur motoçikletën e markës “ ICO“, me targa AP072 në pronësi të vëllait të tij, shtetasit Lulëzim Çollaku, duke kryer vetëgjyqësi.
Dosja i ka kaluar Prokurorisë së Lushnjës për veprën penale:
“Vjedhje”, në ngarkim të shtetasit Shkëlqim Çollaku.
“Përvetësimi i sendeve të vjedhura”, në ngarkim të shtetasit Lulëzim Çollaku.
“Vetgjyqësia” dhe “Heqja e paligjshme e lirisë”, në ngarkim të shtetasit Nertil Hajdari.
