Shpërthen në flakë dhe digjet krejtësisht një banesë në fshatrat e Librazhdit.
Ngjarja ndodhi një ditë më parë në fshatin Funarës. Në banesën e shtetases A.K, 38 vjeçe, ka rënë zjarr, dhe me gjithë përpjekjet e famiojarëve dhe fqinjëve ka qenë e pamundur që të fiken flakët.
Dëme në njerëz nuk kishte, por dëmet materiale ishin të mëdha pasi zjarri ka shkrumbuar gjithçka.
Në vendin e ngjarjes shkoi policia dhe një grup hetimor dhe ngë hetimet paraprake ka rezultuar se zjarri ka rënë nga pakujdesia e familjarëve.
Materialet u referuan në Prokurorinë pranë Gjykatës së Shkallës së Parë Elbasan.
