Policia e Elbasanit ka arrestuar një 53 vjeçar banues në Durrës pasi po qarkullonte me mjetin e tij nën efektin e alkoolit dhe është përplasur me një kasollë bagtish.
Sipas policisë shtetasi Bashkim Sulejmani nuk i është bindur punonjësit të policisë për të bërë testin e alkolit dhe është arrestuar nga forcat blu.
Në aksin rrugor Elbasan-Peqin, në fshatin Papër, Elbasan, Sulejmani duke drejtuar mjetin tip “traleri” me targa SK 838 TB, ka dalë nga rruga, dhe nuk i është bindur punonjësit të policisë për të bërë testin e alkoolit.
Si pasojë ka dëmtuar kasollen e bagëtive ku ka shtypur një lopë dhe disa shpendë , në pronësi të shtetasit T.S., 43 vjeç, banues në fshatin Papër, Elbasan.
Materialet i kaluan Prokurorisë pranë Gjykatës së Shkallës Parë Elbasan, për veprat penale, “Drejtimi i automjeteve në gjendje të dehur apo pa dëshmi”, dhe “Mosbindja ndaj urdhrit të punonjësit të policisë së rendit publik”.
