4 mijë qytetarë u dënuan u arrestuan dhe u ndaluan gjatë muajve të pandemisë për shkak të shkeljeve të masave kufizuese të marra nga qeveritë Kurti dhe Hoti në Kosovë.
Por Gjykata Supreme ka vendosur që këta qytetarë nuk mund të ndiqen penalisht, pasi vendimet e arrestimeve të tyre janë vlerësuar në kundërshtim me Kushtetutën.
Madje, ekspertët ligjorë thonë se këta qytetarë mund të kërkojnë edhe dëmshpërblim.
Fillimisht një vendim për kufizim të lëvizjes ishte marrë nga qeveria Kurti më 23 mars, ku qytetarëve u ndalohej lëvizja nga ora 10:00 deri në 16:00 dhe nga ora 20:00 deri në 06:00 të mëngjesit.
Një vendim të tillë mori edhe qeveria Hoti në muajin korrik kur në disa komuna kufizoi lëvizjen e qytetarëve nga ora 21:00 deri në 05:00 të mëngjesit, me mijëra qytetarë që u ndëshkuan pasi i shkelën këto orare.
