Ilir Meta ka reaguar pas urdhër-arresteve të lëshuara sot nga SPAK për dosjen 339, duke thënë me tone të ashpra se është koha për t’i dhënë fund njëherë e përgjithmonë manipulimit të zgjedhjeve dhe blerjes së votave.
Duke i bërë moral politikës, Meta shkruan se të gjithë manipuluesit dhe falsikatorët e zgjedhjeve të marrin ndëshkim maksimal.
Ndër të tjera ai shkruan:
“Koha për t’i dhënë fund njëherë e përgjithmonë manipulimit të zgjedhjeve dhe blerjes së votave!
Ndëshkim maksimal për të gjithë manipuluesit dhe falsifikatorët e zgjedhjeve!
Ndëshkim maksimal do të ketë për të gjithë punonjësit e shtetit që keqpërdorin detyrën për presione, shantazhe dhe krime zgjedhore!”, shkruan Meta teksa përcjell edhe një shkrim që ngre hipotezën se zgjedhjet e 2017 janë me pikëpyetje.
