Besmir Hakballa, 31 vjeçari që u plagos mbrëmjen e djeshme në Peqin ka postuar një foto “selfie” nga ambientet e spitalit.
Hakballa u plagos në këmbë nga Adriatik Mezja si pasojë e një konflikti të çastit, ndërsa u nis menjëherë drejt spitalit për të marrë ndihmën mjekësore.
Burime për mediat bënë me dije se Hakballa është një emër i njohur për policinë, pasi është dhëndrri i Tan Kateshit, i dënuar me burg përjetë.
Kateshi është një nga eksponentët kryesorë të bandave të rrezikshme të Elbasanit gjatë trazirave të ’97. Vetë 31-vjeçari, figuron person me precedentë penalë si vjedhje, grabitje, trafik narkotikësh.
