Ministria e Arsimit, Shkencës, Teknologjisë dhe Inovacionit në Kosovë ka vendosur të ndjekë të njëjtën rrugë si në Shqipëri në kuadër të masave ndaj koronavirusit.
Mësohet se institucionet shkollore në Kosovë janë mbyllur nga data 12 mars dhe tashmë mësimi do të nis online.
Sakaq, bëhet me dije se trasmetimi publik do të bëhet në Radio Televizionin e Kosovës.
Sipas ministrisë së Arsimit, e njëjta procedurë vlen edhe për shkollat private.
Kujtojmë që numri i të infektuarve në Kosovë ka arritur në 16, ndërkohë qeveria ka shpallur emergjencë për shëndetin publik.
