Problemet në shoqëri në ditët e sotme janë nga më të shumtat, por problemi më i madh mbetet bullizmi. Ai nis që në moshën e hershme, ku pasojat janë nga më të rëndat për shumë fëmijë ku ata ndihen të anashkaluar nga shoqëria.
Një vajzë 9-vjeçare i ndryshoi disa herë shkollat në të cilat ajo mësonte, pasi shëndeti i saj mendor nuk ishte i mirë. Kjo për shkak të talljeve që bashkëmoshatarët e saj bënin ndaj vajzës.
Ajo i ka surprizuar të gjithë njerëzit që e kanë parë një video e cila është shpërndarë nga prindërit e saj për të motivuar shumë fëmijë të cilën tallen nga bashkëmoshatarët e tyre.
Me anë të kësaj videoje Evanna Pearson, nga Kingskerswell në Devon, tregon sesi tallej vazhdimisht nga bashkëmoshatarët e saj dhe sesa keq e kishte përjetuar. Ajo nuk mundej më të ndërronte sërish shkollën, pasi e kishte ndryshuar disa herë dhe kjo nuk kishte qenë aspak zgjidhja më e mirë.
Ajo tani ndihet e lumtur dhe e vendosur se nuk do ta ndryshojë më shkollën. Në videon që qarkullon në rrjet ajo u tregon të gjithëve se duhet të flasin e të qeshin pa pasur frikë se dikush do i paragjykojë.
Nëna e Evanna-s tha se vogëlushja e saj ndihej e humbur për shkak të fëmijëve që talleshin. Ata e bënin 9-vjeçaren të ndihej e padobishme, e humbur edhe pse ajo ka një karakter plot humor për miqtë e saj të rinj që kanë ndryshuar opinionin për të.
