Ish-ministri i Jashtëm serb, Ivica Daçiç ka deklaruar sot se ka presion perëndimor ndaj kryeministrit të Kosovës, Albin Kurti për të ndërmarrë një “hap të pakthyeshëm” drejt formimit të Asociacionit të komunave me shumicë serbe.
“Ka presion për të detyruar Kurtin të bëjë një hap të pakthyeshëm drejt themelimit të Asociacionit. Cili është ai hap? Kjo është pyetja miliona dollarësh. A duhet të dorëzojë draft-statutin në Gjykatën Kushtetuese? Nuk jam i sigurt se është një hap kaq i madh, sepse gjykata thjesht mund ta refuzojë atë. Nuk ka asnjë garanci se statuti do të pranohet”, tha Daçiç për TV Prva.
Nëse kjo do të ndodhë apo jo dhe nëse Kurti mund të sigurojë hyrjen në Këshillin e Evropës në bazë të kësaj do të varet nga vendosmëria e bashkësisë ndërkombëtare, ka theksuar Daçiç.