Ndarja nga jeta e legjendës dinamovite, Vasillaq Zëri ka prekur edhe kryeministrin e vendit Edi Rama. Nëpërmjet një postimi në “Facebook”, kreu i qeverisë e ka konsideruar treshën Përnaska-Zëri-Ballgjini si nje ndër treshet sulmuese më spektakolare në historinë e futbollit. Rama i shpreh ngushëllime familjes dhe njerëzve të afërt për humbjen e njeriut të tyre të shtrenjtë.
POSTIMI I RAMËS:
Pernaska – Zëri – Ballgjini ishte treshja sulmuese më spektakolare në historinë e futbollit tonë dhe ndarja nga jeta e Llaq Zërit, është ndarje me një pjesë të pandashme të asaj historie të gjallë për ne, përveçse edhe humbja e një miku gjithnjë të buzëqeshur. Lamtumirë Llaq dhe qoftë i paharruar kujtimi yt, një ngushëllim i veçantë për të afërmit, shokët dhe admiruesit e tu të panumër.
