Kreu i PDK Nard Ndoka thotë se “peshku i madh” i drejtësisë në vendin tonë është kryeministri Edi Rama.
I ftuar në rubrikën “Opinion” në News24, Ndoka tha se po bëhen hapa regresivë sa i përket reformës në drejtësi dhe për këtë ai fajson Ramën duke thënë se ai e ka përjashtuar opozitën nga procesi që me zgjedhjen e kryeprokurores së re.
“Reforma në drejtësi është prishur dhe ne kemi bërë hapa regresivë. Rama e ka përjashtuar opozitën nga procesi që me zgjedhjen e kryeprokurores së re.
Zgjedhja e kryeprokurores është goditje për institucionet. Rama është ‘peshku’ më i madh i drejtësisë.
Ky sillet sikur ka ardhur në pushtet para 3 muajsh. Vetëm ky flet për drejtësi dhe është bërë fare i pabesueshëm”-tha Ndoka.
Ndërkohë teksa u pyet për protestën e 27 janarit, Ndoka u shpreh se me rëndësi është që ajo të jetë protestë qytetare dhe në fokus të jenë problemet e qytetarëve.
“Me rëndësi është që protesta të jetë qytetare dhe në fokus të jenë shqetësimet e qytetarëve. Ne duhet të rrisim besimin tek qytetarët. Është një test për faktin se janë mbyllur të gjitha shtigjet dhe e vetmja mënyrë për të penguar Ramën është protesta.
LSI i ka dhënë provat si parti opozitare. Ne jemi si front i bashkuar kundër së keqes së madhe. Nuk ka pengesa për bashkëpunimin me LSI.
Ne duhet të kemi një alternativë për nesër dhe për duhet të bashkëpunojmë edhe me LSI.
Çdo parti politike ka peshën e vet dhe nuk ka xhelozi, pasi gjërat janë të qarta. Ka një klimë mosbesimi nga qytetarët ndaj PD”- tha kreu i PDK.
