Turistët që gjenden në Prestige Resort, shqiptarë dhe të huaj janë shokuar dhe frikësuar këtë të shtunë nga zhurmat dhe ndërhyrja e paligjshme të IKMT në ditën e dytë të shembjeve.
Ata janë zgjuar të tmerruar nga zhurma e fadromave dhe kanë reaguar të irrituar me vendimin për të ndërhyrë në një ditë pushimi sic është dita e shtunë.
“Na u lebetitën fëmijët”- tha njëra prej pushuesve me të miturën në krah.
Ajo tha se mbesa e saj u zgjua duke qarë nga zhurma e fadromave.
“U zgjua fëmijë i lebetitur. U hodh fëmija përpjetë nga frika. E arritën qëllimin dhe na tromaksen. Sa dëgjoi fadromat nisi të qajë. Qelbësira. Turp e faqe e zezë.”, tha pushuesja.
