Një shqiptar dhe një maroken kanë rënë në pranga në Greqi, pasi akuzohen se kanë grabitur një të ri, nën kërcënimin e armës.
Dy personat janë arrestuar në zonën e Kallitheas, ndërsa sipas mediave greke, ata i janë afruar ditën e djeshme një 29-vjeçari, i cili ndodhej në rrugën Syngrou dhe pasi e kanë kërcënuar me armë, i kanë marrë të gjitha paratë dhe një celular që kishte me vete.
Menjëherë pas kësaj, dy autorët janë larguar në drejtim të panjohur. Por, pas disa kërkimeve, policia mundi t’i lokalizonte dhe t’i arrestonte. Identitetet e tyre nuk janë bërë të ditur nga Policia greke.
