Pothuajse 30 vjet pas shembjes së Murit të Berlinit nga një protestë popullore, një historian i pasionur duket se ka zbuluar një pjesë të murit të urryer, rreth 80 metra i gjatë, që simbolizon ndarjen e Gjermanisë gjatë Luftës së Ftohtë.
Pjesa e murit, e vendosur në një zonë të pyllëzuar të lagjes lindore të qyetit Pankow, është “një nga pjesët e fundit ekzistuese të Muri origjinal të Berlinit “, deklaroi 37-vjeçari, Christian Bormann i cili ka kryer studime dhe eksplorime për një kohë të gjatë në këtë zonë.
Bormann tha se ai e kishte kryer këtë zbulim rreth 18 vjet më parë, afërsisht, një dekadë pas heqjes së murit të shëmtuar prej betoni dhe kolapsit të komunizmit në Gjermaninë Lindore.
Bormann tha se ai i kishte vënë në dijeni autoritetet këtë javë, për zbulimin e tij, për shkak të shqetësimit se kjo pjesë e Murit të Berlinit mund të dëmtohej nga moti i keq.
“Si fillim autoritetet ishin skeptikë rreth këtij zbulimi”, tha ai .
“Ata u habitën nga njoftimi im, ndërkohë që, zyrtarët mendonin se, më shumë se 1 000 pjesë dhe copëza të murit ishin të dokumentuara”, shtoi ai.
Ndër vite, koleksionuesit kanë paguar shpeshherë shuma jomodeste për patur në koleksionin e tyre një pjesë të historisë së Luftës së Ftohtë, të tilla si, copa të vogla të murit që aktualisht shiten në Ebay për rreth 20 dollarë.
/ata.gov.al
