Temperaturat tipike të dimrit kanë mbërthyer vendin tonë, duke bërë që ato të jenë deri në 8-9 gradë më të ulëta edhe pse jemi në javën e dytë të muajit mars.
Vlerat minimale gjatë kësaj fundjave do të zbresin deri në -9.6 gradë në zonat juglindore, por po ashtu temperatura të ulëta do të kemi edhe në verilindje.
Sipas Meteoalb temperatura jo normale për muajin ku jemi do të ketë edhe ultësira perëndimore, që do të luhaten në orët e para të mëngjesit nga 0 deri në 4 gradë. Edhe gjatë mesditës temperaturat e ajrit do të mbeten të ulëta.
Sa i përket kushtet atmosferike mbetemi në mbizotërimin e motit të qëndrueshëm, ku do të kemi dominim të kthjellimeve dhe vranësirave të lehta.
