Zonat bregdetare dhe të ulëta dominohen kryesisht nga kthjellimet ndërsa vranësira kalimtare do ketë në Verilindje.
Pjesa e dytë e ditës vijon me kthjellime e vranësira kalimtare në gjithë vendin ku më të shpeshta, vranësirat paraqiten në zonat Jugore dhe Lindore.
Sipas MeteoAlb, temperaturat e ajrit ulen lehtë gjatë mëngjesit ndërsa do të ruajnë vlera thuajse konstante gjatë orëve të mesditës.
Era do fryjë mesatare dhe rrallë- herë e fortë, me shpejtësi deri 50 km/h nga Veriu duke bërë që në det dallgëzimi të ngjitet mbi 3 ballë.
Europa
Në të gjithë Europën vijon dominimi i motit të kthjellët kryesisht në Perëndim dhe Qendër të Europës.
Ndërsa me kthjellime dhe vranësira të shpeshta paraqiten ekstremet Jugperëndim- Juglindje të Europës ku priten edhe shira të izoluar.
