Paraditja mbetet me reshje të pakta shiu e dëbore në Veri dhe Qendër por reshje të përkohshme në Jug të vendit.
Ndërsa pas mesditës dhe deri në mbrëmje reshjet fokusohen kryesisht në zonat Qendrore ndërsa reshje të pakta në Veri dhe zonat Jugore dhe Juglindore.
Sipas MeteoAlb, temperaturat e ajrit rriten lehtë në mëngjes e mesditë por në pjesën më të madhe të vendit mëngjesi mbetet në temperatura negative.
Era do të fryjë mesatare, me shpejtësi deri 40 km/h nga drejtimi Perëndimor duke bërë që në det dallgëzimi të ulet në 3 ballë.
Europa
Gadishulli Iberik dhe pellgu i Mesdheut përfshihen nga vranësira dhe reshje të dendura shiu ndërsa reshje dëbore dominojnë Europën Juglindore duke përfshirë edhe rajonin e Detit të Zi.
Po ashtu, me vranësira por reshje të pakta do të ketë Britania e Madhe dhe pjesërisht rajoni i Balltikut. Por mot kryesisht i kthjellët me temperatura të ulëta mbajnë të mbërthyer pjesën më të madhe të Europës.