Vijon ndikimi i kthjellimeve të shkurtra me vranësira të shpeshta deri në mesditë kur vranësirat shtohen në të gjithë vendin duke sjellë shira në pjesën më të madhe të vendit ndërsa dëborë në zonat malore në Veri dhe Verilindje.
Gjatë natës, reshjet pakësohen por shtrihen thuajse në të gjithë vendin. Sipas MeteoAlb, temperaturat e ajrit ulen sërisht lehtë në mëngjes, por rritje me 3- 4°C sjellin orët e mesditës duke ndihmuar në shkrirjen e ngricave.
Era do fryjë mesatare deri e fortë në mbrëmje, me shpejtësi 70 km/h nga drejtimi Jugor ndërsa në det dallgëzimi ngjitet 5- 6 ballë.
Europa
Europa Jugore dhe Jugperëndimore do të përfshihet nga vranësira të fuqishme me rrebeshe shiu dhe stuhi të forta ere.
Po ashtu, me reshje të konsiderueshme shiu e dëbore dominohet Mesdheu Qendror dhe zona e Alpeve Europiane duke përfshirë edhe pjesën më të madhe të gadishullit Ballkanik.
Ndërsa Europa Veriore dhe Lindore si dhe pjesa më e madhe e Qendrës së kontinentit Europian paraqiten me kthjellime dhe vranësira të shpeshta.
