Vijon dominimi i kthjellimeve me vranësira kalimtare gjatë paradites në të gjithë vendin.
Ndërsa pas mesditës vranësirat shtohen gradualisht në territor dhe kryesisht në zonat Verilindore dhe Juglindore ku gjatë pasdites priten shira të dobët dhe të izoluar.
Sipas MeteoAlb, temperaturat e ajrit rriten lehtë në mëngjes dhe mesditë duke shënuar maksimume termike mbi 31°C, në disa qytete të Shqipërisë.
Era do të fryjë e lehtë dhe rrallë-herë mesatare, me shpejtësi 33 km/h nga drejtimi Veriperëndimor ndërsa në det vijon dallgëzimi 2- 3 ballë.
Europa
Vijon ndikimi i kthjellimeve me vranësira kalimtare në pjesën më të madhe të kontinentit Europian. Por vranësira të shpeshta e rrebeshe të përkohshme do ketë Veriperëndimi dhe Juglindja e Europës.
