Në kulmin e shpërthimit të Covid-19 në vendin tonë, Ministria e Shëndetësisë ka dhënë disa këshilla të vlefshme për të shmangur infektimin me këtë virus të rrezikshëm.
“Mos harroni asnjë moment të zbatoni masa për parandalimin e infeksionit”, apelon Ministria, duke treguar nëpërmjet një fotoje edhe 6 hapat që duhen ndjekur.
Sipas autoriteteve shëndetësore, në 24 orët e fundit në vendin tonë kanë rezultuar pozitivë me virusin SARS COV2, 597 qytetarë. Ndërsa kanë humbur jetën 11 qytetarë, kurse 122 janë shëruar.
Aktualisht në 3 spitalet COVID, po trajtohen 393 pacientë, 16 në terapi intensive, nga të cilët 5 të intubuar.
