Mbreti Charles III iu është drejtuar Parlamentit për herë të parë që kur mori fronin. Gjatë fjalës së tij në Parlament, Charles është zotuar të vazhdojë “shërbimin e përkushtuar” të Mbretëreshës për popullin e saj.
“Kambana e madhe e Big Ben, një nga simbolet më të fuqishme të kombit tonë në mbarë botën, dhe e vendosur brenda Kullës Elizabeth të emëruar gjithashtu për jubileun e nënës sime, do të shënojë kalimin e përparimit të Mbretëreshës së ndjerë nga Pallati Buckingham në këtë Parlament. Të mërkurën”, tha Charles në Westminster Hall.
Mbretëresha do të qëndrojë për katër ditë në sallë nga e mërkura deri në funeralin e saj të hënën e ardhshme.
“Ne mblidhemi sot në kujtim të shërbimit të përkushtuar të Mbretëreshës ndaj kombeve dhe popullit të saj. Në moshë shumë të re, Madhëria e Saj e ndjerë u zotua për t’i shërbyer vendit dhe popullit. Këtë zotim ajo e mbajti me përkushtim. Ajo la një shembull të detyrës vetëmohuese, të cilën, me ndihmën e Zotit dhe këshillat tuaja, jam i vendosur ta ndjek me besnikëri”, tha Mbreti.
Ndërsa përfundoi fjalimin e tij të shkurtër, u luajt një interpretim i God Save the King, himni kombëtar britanik.
