Vincenzo Montella këmbëngul se Milani ka luajtur në njëjtin nivel me Juventusin, por jo të gjithë kanë një sulmues si Gonzalo Higuain.
Higuain i njohur ndryshe si El Pipita shënoi dy gola në San Siro për fitoren 2-0 të Bianconerëve ndaj Rossonerëve.
Megjithatë, sipas trajnerit Montella, skuadra e tij luajti në nivel të barabartë me kampionit italian, por diferenca u bë nga sulmuesi argjentinas, Higuain.
“Ishte një ndeshje shumë e balancuar, një që ne luajtëm në mënyrë të barabartë me Juventusin, por diferenca u bë nga Higuain me dy gola të mëdha”, tha fillimisht Montella për Mediaset Premium.
“Sa më përket mua, skuadra bëri një paraqitje të mirë, ishim pak të lodhur. Ne ishim të balancuar dhe kishin dy herë më shumë goditje në krahasim me Juven. Mund ta zhbllokonim ndeshjen më herët, por sulmuesit e tyre bënë më mirë”.
Higuain ishte i pakapshëm për mbrojtjen e Milanit
“Ne jemi një skuadër e ristrukturuar dhe në ndeshjet kundër klubeve të mëdha, përveç 15 minutash me Lazion, gjithmonë luajtëm në kushte të barabarta. Kjo është ngushëllim i dobët, por duhet të jemi më klinik përpara golit”.
“Për të dy golat sot, mbrojtja ishte në pozicion, por Higuain shënoi dy gola fenomenal. Ne gjithashtu duhet të njohim talentin e kundërshtarit”.
